Apne phone ko webcam kaise banaye / Your phone convert to Webcam

Hello friends, kaise hai aap sab aaj ek baar fir se aap sabka hamare blog TechEarn me swagat hai. Aaj ka post bahot hi unique hone wala hai. Aaj ke iss post me ham kuch naya sikhne wale hai.

Dosto webcam ke bare me to aap sab log jaante hi honge jinko nahi pata to mai bata du yeh ek parkar ka external camera hota hai jo hamare laptop ya pc ke liye design kiya jaata hai. Jinke laptop ka camera achha nahi hota hai ya fir koi problem hoti hai unke camera me to wo webcam ka hi use karte hai.


Friends aap sabko pata nahi hoga aaj kal ke laptop me bahot hi low quality ke camera diye jaate hai. Issliye hame webcam ki jarurat padti hi hai. Lekin market me ham jab bhi webcam lene jaate hai to approx 3000-4000 ka webcam hame padta hai. Itna mehnga hone ki wajah se jinko webcam ki jyada jarurat hoti hai unke paas webcam nahi pahuch paata hai.


Issliye iss problem ko dekhte hue maine yeh post likha hai ki aap bina webcam ke kaise apne phone ko webcam ki tarah use kar sakte hai. Ji haa friends aapne sahi suna aap apne android phone ko hi webcam ke rup me istemal kar sakte hai. Aapko ek bhi rupya nahi dena padega to chaliye jaante hai kaise apne phone ko webcam banaya jaata hai.


1. sabse pahle aapko apne Phone me Droid Cam application ko install kar lena hai.

Aap badi aasani se Play Store me jaa kar droidcam application ko install kar sakte hai. Aap chahe to hamare niche diye gaye link se bhi droidcam application ko install kar sakte hai.


2. Uske baad ab aapko apne Laptop me Droidcam Software ko install karna hai.

Aap badi aasani se chrome ki madad se Droidcam software ko apne laptop me install kar sakte hai. Aap chahe to hamare niche diye gaye link se bhi droidcam software ko apne laptop me install kar sakte hai.


3. Ab aapko apne phone aur laptop dono me Droidcam application ko open karna hai.

Uske baad aapke paas 2 options hote hai apne phone ko droidcam banane ke liye. To chaliye dono method ko jante hai.


1. Method

Agar aapke phone me koi bhi WiFi network connect hai to aap apne WiFi network ke through apne phone ko droidcam ke rup me use kar sakte hai.

Uske liye sabse pahle aapko apne me Droidcam ko open karna hai uske baad aapke phone aapke phone me WiFi IP aur Droidcam Port show hoga.

Ab aapko apne Laptop me Droidcam ko open karna hai aur Jo aapke phone me WiFi IP aur Droidcam Port diya tha. Usko apne laptop me achhe se fill karna hai.

Aap jaise hi WiFi IP aur Droidcam Port apne laptop me dalenge aapka phone webcam ke rup me use hone lagega. Ab aaiye dusre method ke bare me jaan lete hai.


2. Method

Dosto iss method me aapko kisi bhi WiFi ki jarurat nahi padti hai. Agar aapke paas koi WiFi network nahi hai to chinta ki koi baat nahi aap bina WiFi ke iss method ka use kar sakte hai.

Uske liye aapko keval ek USB cable ki jarurat padegi jo lagbhag sabke ghar par available rehta hai.


1. Sabse pahle aapko apne laptop aur phone dono me Droidcam ko open karna hai.


2. Uske baad USB Cable ko apne Phone aur Laptop se connect karna hai


3. Aap jaise hi apne phone ko USB Cable se connect karenge. Droidcam Automatic Aapke phone ko Laptop se connect kar dega. Uske baad aap apne phone ko droidcam ki jagah use kar sakte hai.

To dosto yeh tha hamara post apne phone ko webcam kaise banaye kaisa laga comments karke jarur bataye.

Agar aapko koi bhi problem aati hai to aap hame niche comment karke puch sakte hai. To aaj ke liye bas itna hi fir milte hai ek nayi post ke saath tab tak ke liye alvida.

Post a comment

0 Comments